African Hip Hop Thesis

Mimi kama mpenzi mkubwa wa Hip Hop, nimekuwa nikijaribu kuifuatilia kwa karibu tangia '2 Proud' alipokuwa anavuma na nyimbo kama 'Ni mimi, niko kwenye maikrofoni' na 'Madawa ya kulevya'. Safari ya Hip Hop Tanzania ni ndefu kiasi chake -- ila wengi mtakubaliana na mimi kuwa hatuna "kioo" (as in, standard) madhubuti cha kuangalia na kutath'mini mabadiliko yaliyoletwa na huu muziki wetu.

Mara nyingi mambo mengi tunayojadili kuhusu Hip Hop tunakuwa kama tuna speculate tu. Kwahiyo, tunayoongelea kwenye kijiwe hiki ni tofauti na yatakayoongelewa kwenye kijiwe kingine kutokana na sababu kadhaa.

Fid Q nadhani ameliona hilo na ameamua kufanya utafiti kuangalia Hip Hop kutoka Afrika -- utafiti huu wa kitaaluma utachunguza nini hasa kinachotokea kwenye ulingo wa Hip Hop, mabadiliko kwenye jamii yanayoambatana na Hip Hop, (bila kusahau) Hip Hop kama kitambulisho cha Vijana wengi sasa hivi.

Kilichonifurahisha zaidi ni kwamba anajua wapi pa kuanzia (kwasababu mambo ya utafiti yanahitaji maujanja, na kujua wapi pa kuanzia hurahisisha kazi); ataanza kuongea na wasanii ili kujifunza kama wanafikiri wana nafasi yoyote kwenye jamii.

Mimi binafsi nina maswali mengi mno. Lakini sasa hivi nitamuuliza Fid Q maswali machache tu kwanza ili aanze kuumiza kichwa:

1. Marekani inajulikana kama ndio chimbuko la Hip Hop, lakini sasa hivi inaonekana kama Hip Hop inaanza 'kurudi' Afrika (Soma makala kuhusu hili suala hapa). Je, kuna sababu za msingi au ni jambo la kawaida tu?

2. Wasanii wanajua maana ya Hip Hop? Wanaitumia ipasavyo?

3. Niliona filamu moja (documentary) inayozungumzia kufanana kwa maneno ya mitaani kutoka Marekani na Afrika Mashariki (ingawa lugha zitumiwazo ni tofauti). Kuna ukweli wowote ule?

4. Vipi kuhusu mambo yanayozungumzwa kwenye nyimbo mbalimbali. Sehemu mtu anapotoka (msanii) ina athari kubwa sana au ndogo kwenye nyimbo anazoimba? Au hutegemea zaidi mambo fulani mtu aliyopitia kwenye maisha yake binafsi? Ni sahihi kulundika wasanii kutoka Mwanza, Arusha au Dar kwenye kundi moja? Au tuangalie hadi vitongoji wanavyotoka?

5. Kuna baadhi ya wasanii kutoka Tanzania ambao wanaheshimika sana nje ya nchi ilihali bado wanatumia lugha ya Kiswahili kwenye nyimbo zao. Hii inakuwaje? Wengine wanatumia maneno kutoka Temeke!

6. Mabadiliko yanayotokea kwenye Hip Hop yanaakisi yanayotokea kwenye jamii? Au jamii huakisi mambo yanaongelewa na wasanii?

Nitaishia hapa kwa leo.

Ila kama una maswali zaidi au una maujanja yatakayoweza kumrahisishia utafiti huu, unaweza ukamtumia Fid Q barua pepe: cheusidawa (at) gmail (dot) com. Au unaweza ukatembelea blog yake (ina mipini yake karibia yote; cheki upande wa kulia).

Fid Q, Vijana FM inakutakia kila la kheri! Binafsi, nina uhakika kazi yako itawanufaisha wengi.

Makala nyingine kuhusu Fid Q zinapatikana hapa na hapa...

"Thula Mama"

South African singer-songwriter Vusi Mahlasela dedicates his song, "Thula Mama," to all women -- and especially his grandmother.

This is one of the finest uplifting tunes I have ever heard. Trust me, it's not just a hype.

Na napenda kuchukua nafasi hii kudediket huu wimbo kwa mama yangu, Ubungo Kibangu na bibi yangu, kijijini Kihurio (Same). Bila kusahau mama zetu wote waliotulea, kutuasa, kutusaidia na kuwepo karibu yetu kila tulipowahitaji/tunapowahitaji.

Shukrani kwa ushujaa, ushupavu na mioyo yao migumu iliyotuambukiza maarifa, kujiamini na kutupa busara kwenye maisha yetu ya ujana. Tungekuwa wapi leo hii bila nyinyi?

Nawatakia siku njema!

Mzungu Kichaa anena na Shurufu

Mara ya kwanza nilipoona video ya wimbo Jitolee wa Mzungu Kichaa, nadhani niliicheza zaidi ya mara kumi mfululizo! Sehemu ambayo mpaka leo bado inanipa tabasamu ni pale jamaa anapowarusha masela Kariakoo (muda 0:55):

Halafu, hapo bado sijaanza kuongelea jinsi gitaa lilivyokung'utwa ile kisawasawa -- amelitekenya kama Diblo Dibala!

Kichaa ana hadithi nyingi mno ambazo nina uhakika watu wengi watapenda kuzisikia. Wiki iliyopita Shurufu aliongea na Mzungu Kichaa kwa kirefu na mahojiano yalikuwa kama ifuatavyo (ung'eng'e au ngeli itahitajika):

“I became Mzungu Kichaa not too long ago; when I released my [debut] album 'Tuko Pamoja' in May 2009. So, in that sense I am new to the game as an artist, under the name Mzungu Kichaa. But in reality, I have been around and I’ve been involved in Music ever since I was…very small. And also I have been involved in Bongo Flava since the start of Bongo Flava, recording at Bongo Records. I went to IST with P-Funk aka Majani…just before he got expelled for stealing the school’s musical equipment so he could produce [laughs].

“... I did stuff behind the scenes like on Juma Nature's [2001] album 'Nini Chanzo' and then I did this song which featured quite significantly on Solo Thang's album, ‘Mambo ya Pwani’ which was a big hit. My role was quite significant cause I actually helped…program it, pretty much all of it, cause the remix took my guitar as the foundation of the program. So we did that and that’s kind of what made me known within the industry but I wasn’t known by the public. The name [Mzungu Kichaa] I got…at Bongo Records [given to me] by Juma Nature way back then when I was working there. So I decided to take up the name...

Endelea kusoma hapa...

Antivirus Mixtape iko jikoni…

Msanii mkongwe Sugu au kama alivyokuwa akifahamika enzi zile kama Mr II anakuja na album itakayoitwa antivurus. Mixtape hii itakayoshirikisha wasanii wengi wa bongo flava, inakuja kwa dhumuni la kupigania sanaa hii na kupigania haki ya badhii ya wasanii wa sanaa hii ya bongo flava na bongo hip hop.



Hivi karibuni kumekuwa na mijadala kadhaa kuhusu mwelekeo wa sanaa ya bongo flava, lakini kidogo kimekuwa kikifanyika kuitetea ipasavyo. Katika makala ya penye kufuka moshi niliweza kujadili uhasama unaoanza kujengeka kati ya wasanii wapya na wale wakongwe. Wasanii wakongwe wamekuwa wakiwalaumu wasanii chipukizi kuwa wanachangia katika kuudhofisha mziki huu wa bongo flava. Nadhani kila mtu analake la kusema juu ya malumbano haya, kutegemeana na upande unaoshabikia.

Shauku yangu na hii mixtape ya antivirus ya Sugu ni kuwa itasaidia kuweka hili tatizo bayana kwa kuwataja wahujumu wakuu wa sanaa hii. Nadhani muda umefika kwa baadhi ya wasanii kuweka msimamo na kusimama pamoja kutetea mziki huu. Tuombe harakati hizi ziweza kuzaa matunda, kwani wengi wanaamini mziki huu umepoteza dira kwa kiasi fulani, sasa sijui kama wewe unakubaliana au kupingana na hoja hii.

Habari hii kwa hisani ya bongo5.com

This week from Sribuo - Sidney's "Scenti No!"

Artist: Sidney
Album: Scenti No! (album review courtesy of SriBuo Media here)

Download free album samples:
Sidney: "Scenti No"
Sidney: "Hye Nkom"

Buy album:
- on iTunes
- on Amazon

Album art:
- Courtesy of SriBuo Media

This week from SriBuo

Artist: Kwabena Kwabena
Album: Bibini (album review here)

Download free album samples:
Kwabena Kwabena: "Bibini"
Kwabena Kwabena: "Abotere"

Buy album:
- on iTunes
- on Amazon

Album art:
- SriBuo Media

Backyard Studio na Uchaguzi Mkuu

Studio ya Backyard ya jijini Dar es Salaam inatoka na changamoto kabambe kwa wasanii wa muziki wa aina yote. Backyard Studio inatoa offer ya kurekodi bure kwa msanii yeyote mwenye nyimbo ambayo inahusiana na uchaguzi mkuu ujao.

Samuel Andrew Mbwana a.ka Braton anaelezea nia na madhumuni ya offer hii kwa kusema, “nimeona nitoe offer hii ili mradi wasanii wapate nafasi ya kutosha katika kuelimisha jamii kuhusu uchaguzi wa amani, faida kupiga kura na kuelimisha jamii kuhusu viongozi wanao tufaa katika jamii".



Hii ni changamoto tosha kwa wasanii, hivyo mjitokeze na kuelimisha jamii. Tunatarajia kuona wengi wenu mkijitokeza na kuchangamkia fursa hii ambayo ni adimu. Tukiwa bado tunasononeka na wengi wenu kutojitokeza na kutunga nyimbo kuhusiana na kombe la dunia, basi tunategemea mtatumia hii nafasi vyema kutunga nyimbo kuhusu uchaguzi mkuu.

Habari kwa hisani ya Issa Michuzi

Mlijaribu kuimba kwa ajili ya WOZA 2010?

Na Japhet Joseph

Mashindano makubwa kabisa duniani ya mpira wa miguu - au kama wengine wanavyouita macharange au kabumbu - ndio yananukia; kwa mara ya kwanza kwenye ardhi ya Afrika! Wasanii mbalimabli wamejitokeza kuwashawishi watu wa FIFA kuwateua ili wapate nafasi ya kutumbuiza wakati huo.

K'naan (ft. Bisbal) - Waving Flag:

Shakira - Waka Waka (mlidhani nitausahau huu?):

Lakini baada ya kufaidi mambo kama haya na ukatulia, huna budi kujiuliza: Hivi, mbona sisikii hata wimbo mmoja wa Kiswahili? Wasanii wetu walijaribu kuimba nyimbo kwa ajili ya Kombe la Dunia? Walijaribu kutafuta nafasi ya kutumbuiza? Au DJs wa FIFA/Bondeni wanatubania tu (wanataka mshiko kwanza)?

Kama hamkujaribu, aisee, mmepoteza bonge la nafasi la kuitangaza nchi, lugha na kazi zenu.

Ni mtazamo tu.

More from SriBuo

Artist: Okyeame Kwame
Album: M'anwensem (album review here)

Download free album samples:
Okyeame Kwame: "Yahooze"
Okyeame Kwame ft. Samini Kuntakinte: "Woani So Anaa"
Okyeame Kwame ft. Dilute & Obrafour: "Tie"

Buy album:
- on iTunes
- on Amazon

Album art:
- SriBuo Media

From the Horn of Africa

I have to admit that I first heard of K'naan - and listened to his lyrics carefully - in the Nas and Damian Marley's Distant Relatives LP (I have been very busy lately, you know). The kid is talented (listen to 'Tribal War)!

In the following clip, K'naan talks about survival guilt, the World Cup and learning English through hip-hop.

I just have a number of questions: Do you learn anything at all from hip-hop? Do you have any hip-hop or Bongo Flava song that keeps you going or changed the way you think about/look at certain things? Or it's all about entertainment and all that c**p?

Binafsi, kuna baadhi ya nyimbo za hip-hop ambazo zimenifumbua macho. Kuna sehemu ambazo sijawahi kufika, lakini nyimbo za hip-hop zimenipeleka mbali! Kuna nyimbo ambazo zinafanya siku zangu ziwe fupi! Pia, kuna nyimbo ambazo zinanifanya nijiangalie kwenye kioo na kujiuliza maswali.

Sasa hivi huu ndio wimbo wangu:

Sabali.

Propaganda za Fid Q zipo kwenye mtandao!!!

Haya jamani, wale ambao tulikuwa tunalalamika kuwa kupata CDs kutoka Bongo ni mbinde...


Album ya mzee mzima Fid Q, Propaganda inapatikana hapa (bofya)! Unaweza ukapata wimbo wake mpya Ngosha the Swagga Don hapa. Wimbo ni bombaaaaaa!

"Mc'z wanaenda down, ka Zim dollerz
mie sio mtu wa Bling mie ni Culture ka Zemkala
da brightest thang shinin nxt to a Diamond
niite Ghost writter ninapoBLAZE ka Amo
mara nyingi mie nina bahati kama Lotto Machines
sio mtu wa Adventures kama FRODO kwenye Lord of the Rings
niite ROSCOE, ninapoSPEAK in tonguez ka Jenk...inz
Don kama Bosco Mad kama Ice Helsink
unataka Bed fight? mie nina King size na French fries kwa Breakfast
T bone steakz na Prison break ki GANGSTA
Tatoo Plan kama Michael Scholfield
Bruce Lee wa RAP ya AFRIKA, ROCKCITY naigeza RAP SEAT...

"Alipenda kwenda na TAREHE, amesahau SIKU Hazilingani
PESA huja na STAREHE, na MATATIZO humo humo Ndani
Hakuna kinachokauka Mapema zaidi ya MACHOZI
japo MACHO hupaki Mekundu na USONI ishara ya Majonzi
Kizuri ni KIZURI lakini chenye UBORA Ni BORA
Kwa bahati MBAYA au NZURI akaja mchimba MADINI wa Kakora
Akashoboka n...a huyu BINTI Aliyemsafisha macho
Akamhonga, Gari, Nyumba na kile alichokuwa Nacho
Almesahau alitoa, MACHOZI, DAMU na JASHO,
kipindi ana HUSTLE, siku zi nyingi anaamini atarudi apoapo
Siku zote ADAM hakosi EVE wa Kumshawishi
Haijalishi maji ni ya MOTO lazima yataurudia UBARIDI..."

Mistari kama hii haina budi kununuliwa!

More from SriBuo

Artist: Mimi Divalish
Album: Music In Me (album review here)

Download free album samples:
Mimi Divalish feat. Tinny: "Fa ma mi"
Mimi Divalish feat. Jane, Caroline, Dela, Sita, Pappi 5five: "Leave me alone (remix)"

Buy album:
- on iTunes
- on Amazon

Album art:
- SriBuo Media





Artist: Mzbel
Album: Saucy Girl (album review here)

Download free album samples:
Mzbel feat. Quata: "Sexy thing"
Mzbel feat. Shilo: "Odo kiss me"

Buy album:
- on iTunes
- on Amazon

Album art:
- SriBuo Media





Artist: Obrafour
Album: Asem Sebe (album review here)

Download free album samples:
Obrafour: "Odo"
Obrafour: "Enye nyame a"
Obrafour: "Bra be whe"

Buy album:
- on iTunes
- on Amazon

Album art:
- SriBuo Media

Solo Thang arudi na Ung'eng'e!

Juhudi za wasanii wetu kujaribu kuvuka mipaka zinatia moyo na nadhani zimeanza kuzaa matunda. Njia mojawapo ni kutumia lugha ambayo watu wengi nje ya Tanzania wanaielewa. Hii ina faida na hasara zake -- inategemea unaangalia hili suala kwa jicho lipi!

Msanii mwingine ambaye anajulikana na wengi kuwa ana msimamo mkali, Ulamaa amerudi na wimbo mpya unaoitwa 'All I need':

Kama ulivyoona, kuanzia mwanzo hadi mwisho ni ung'eng'e tu au lugha ya Malkia, kama mchangiaji mmoja anavyoiita. Binafsi, nadhani jiwe limetulia. Lakini kama mmoja wa washabiki wa Solo Thang, kuna sehemu ya moyo wangu ambayo imetibuliwa.

Solo ana uwezo mkubwa SANA wa kufinyanga na kucheza na maneno ya lugha yetu ya Kiswahili. Kunuka Kunukia, Si Ulinikataa, Sukari na Pilipili, Hili Balaa, Homa ya Dunia...Vina Utata! Natumaini atarudi na nyimbo kama nilizozitaja huku akipiga danadana maneno ya Kiswahili kama Messi.

Hebu jikumbushie njia aliyopitia Msafiri (bofya)! Sikiliza 'Sikati Tamaa', 'Travellaah' na 'Usinichokoze'...

Penye Kufuka Moshi

Wanasema, la mgambo likilia ujue kuna jambo, na mimi leo nauliza kulikoni wasanii wa muziki huu wa bongo flava?. Majuzi niliandika shairi na mwisho wa shairi nilisema kwa utani, heshimu sanaa, kwani imeajiri vijana wengi zaidi ya wizara ya Kapwaya. Pamoja nilisema kiutani, lakini nilitaka watu waelewe umuhimu wa sanaa hii katika maisha ya vijana. Kuporomoka kwa muziki huu, kutaadhiri maisha ya vijana wengi waliojiajiri kupitia muziki huu, hivyo ni vyema kuutetea na kuulinda kwa kila hali na mali.

Gumzo la mjini ni juu ya vita kati ya ma-Dj na wasanii, pia vita kati ya wakongwe wa muziki wa bongo flava na wasanii chipukizi kwenye muziki huu. Afande Sele ameshutumu ma-Dj kwa kuchangia kudhofisha bongo flava. Shutuma hizi zimekuwa za siku nyingi lakini kwa muda mrefu zimekuwa ni minong’ono tu, lakini leo O-ten na Dudubaya nao wamejitoa mhanga na kuwasema Ma-Dj. Hivyo nimeachwa nikiamini, panapofuka moshi ujue pana moto.

Shutuma za ma-Dj kubeba wasanii na kulazimisha wasanii wawalipe fedha ili kucheza nyimbo zao redioni, ni ukiukwaji wa maadili ya kazi zao. Pili, kwa tabia hii basi ni kweli muziki wa bongo flava utakuwa unatawaliwa na fedha badala ya ubora wa kazi na ubunifu. Kwa mfano, mimi kama msanii mwenye kutengeneza kazi mbovu, najua nitasikika tu kwani ma-Dj watafanya kila wawezalo nisikike na hatimaye kupendwa, kisa fedha nilizowahonga. Hii inahatarisha fani na pia inahatarisha maendeleo ya sanaa hii.



Afande Sele kama mmoja wa wasanii wakongwe pia amewasema wasanii wapya katika nyongeza ya shutuma zake dhidi ya ma-Dj. Afande Sele amedai kwamba wasanii wapya hawana ubunifu wala mashairi yenye kubeba ujumbe wenye msingi. Hivyo nyimbo zao nyingi zinakosa maudhui ya kina lakini zinatamba kwani zimekuwa zikibebwa na ma-Dj. Hapa Afande amekuwa na hoja sawa na ile ya msanii Nas kipindi kile aliposema Hip Hop Is Dead.

Pamoja na baadhi kukubaliana na Afande, lakini wapo baadhi wameuliza maswali ya msingi, kama, kwanini wasanii wakongwe hawawashirikishi wasanii chipukizi kwenye nyimbo zao. Hapo hapo wengine wamedai, kulalamika kwa wasanii wakongwe ni kutokana na style zao kupitwa na wakati hivyo kukosa airplay. Mimi nimekuja kuona pande zote mbili wana hoja za msingi, kivipi?

Wasanii wakongwe wangejaribu kushirikiana na wasanii wapya, hilo linaweza kuwasaidia na kuwakuza wasanii wapya kisanii. Hili litaongeza ushirikiano baina ya wasanii na katika ushiriano huu, itawasaidia katika kutetea haki na maslahi yao pamoja, kwani kutengana ni udhaifu. Pili, ni kweli baadhi ya styles za zamani leo hii haziwezi kuvuma na mfano mzuri ni huyu msanii Sugu au Mr. II. Leo hii ninadiriki kusema moja kati ya sababu kuu ya kushuka kisanii kwa Sugu ni kung’ang’ania kwake na kuendelea kurap na style yake ile ile ya miaka ya tisini. Albamu yake ya Veto ilinisikitisha mimi kama mpenzi wa bongo flava, kwani ilikosa ubunifu na upya.

Hivyo basi, badala ya kusukumana kati ya pande hizi mbili, mimi nadhani la msingi ni ushirikiano kati ya wasanii wakongwe na wapya, ili kuongeza chachu ya ubunifu kwenye sanaa. Muziki wa bongo flava hauwezi kuachwa ukafa hivi hivi baada ya safari ndefu ya kuufikisha hapa ulipofikia leo.

Maudhui ya fasihi za kina katika muziki wa bongo flava lazima udumishwe kwani heshima ya muziki lazima ilindwe, kwasababu hatutaki kurudi kwenye zama zile ambapo muziki huu ulionekana ni muziku wa kihuni tu. Tulinde heshima na tudumishe mshikamano. Ujumbe kwa wasanii wakongwe, mwalimu bora na mwenye mafanikio ni yule ambaye huwa mwanafunzi kwa kuwa tayari kujifunza kutoka kwa wanafunzi wake pia. Hivyo basi, tuhakikishe tunauzima moshi huu kabla ya moto kuanza kuwaka, kwani bado tunaishi kwenye nyumba ya nyasi. Kidumu chama cha bongo flava.

Mic MOJA tu?

Jana nilipata fursa ya kujikumbushia nyimbo za Hasheem. Sizungumzii Hasheem huyu -- namuongelea Dogo! Wakati nasikiliza freestyle inayoenda kwa jina la 'Naharibu' rafiki yangu akanipa wazo la kichokozi... eti tumtafute Dogo, tumuombe arudi ulingoni, tumlipie gharama za studio ili atoea angalau album moja tu.

Tuyaache hayo.

Hivi umeshawahi kujiuliza hili swali: Ingekuwa vipi kama Bongo tungepewa mic moja tu? Yaani, baada ya kuangalia vipaji kadhaa/wasanii mbalimbali, unadhani yupi anastahili kupewa hicho kipaza sauti kimoja tu ili sauti yake iwafakie Vijana wote Tanzania?

Binafsi, napenda wasanii kibao na nawasikiliza wote, lakini kuna mmoja ambaye nadhani atastahili kupewa hiyo mic: N***a Jay, Jay wa Mitulinga, Mti Mkavu, Jay Tunakuzimia, Jay Nyangema, Heavy Weight MC, Prof. Jay...

Tangu Jay atoke na album ile nzito iliyoshiba mawe na vina tokea mwanzo hadi mwisho (Machozi, Jasho na Damu) sidhani kama ametuangusha. Na utakubaliana na mimi kuwa amekuwa kama sauti ya walalahoi.

Wakati muda wa kupiga kura ukikaribia na watu wakiumiza vichwa kura zao ziende kwa nani nadhani labda mambo yangekuwa rahisi mno kama Jay angekuwa mmoja wa wagombea!

Najua wengi mna mawazo tofauti ambayo ningependa kuyasikia. Nani apewe mic?

Two releases from SriBuo

SriBuo advertises two new album releases from Ghana:



Artist: Nana Fynn
Album: Bibini

Download free album samples:
Nana Fynn feat. Modan: "Bibini"
Nana Fynn: "Me Fere No"
Nana Fynn feat. Jestoe: "Twe Wo Ho"

Buy album:
- on iTunes
- on Amazon

Album art:
- SriBuo Media





Artist: Jon Germain (see profile on Museke here)
Album: This I Who I Am

Download free album samples:
Jon Germain: "Can't Xplain"
Jon Germain feat. J Town: "Quiver"

Buy album:
- on iTunes
- on Amazon

Album art:
- SriBuo Media

Barua: Samahani Wanangu

Yah: Shukrani kwa Mh. Mrisho

Mheshimiwa Mrisho nashukuru sana kupata ujumbe wako wa msamaha, umefika na nimeukubali, kwani moyo sio jiwe hivyo yaliyopita si ndwele bali tugange yajayo. Moyo wangu umeshikwa na faraja kubwa sana kujua leo hii wizara yetu husika imepata kiongozi anayetufahamu fika sisi vijana na shida zinazotukabili. Mimi ni kijana wa Kitanzania niliyejawa na vidonda vya shida, uso weyenye simanzi na hofu iliyonitanda kama upele mwilini. Miaka mingi sasa sauti yangu imelazimishwa kujifungia ndani na kuishi kama mkiwa, kwani jamii haitaki kuisikia kwani mimi bado ni taifa la kesho. Hivyo, dukuduku langu ndani lilikuwa limeanza kuwa sumu, lakini nashukuru umekuja ukaniokoa kwa kumulikia sauti yangu iliyotengwa na viongozi na jamii kwa miaka mingi.

Barua yako imeanza kunipa matumaini na Serikali yetu kuwa kweli ina nia ya dhati katika kujali nafasi yetu sisi vijana ndani ya jamii. Matumaini yangu ni kuwa busara zako zitawafikia wazee wengine na wataanza kutuona, hivyo na wao kuanza kututhamini na kutusaidia kwa hali na mali. Hapa kijijini wazee wamekalia ardhi yote, na huko mjini nasikia vijana wanafukuzwa eti warudi kijijini kuja kulima. Mh waziri Mrisho, najua kizazi chetu ni kama kilicholaaniwa, wezi ni sisi, machangudoa wanaosimama mabarabarani ni sisi, wakataa kwenda shule za matope na nyasi ni sisi, lakini nani mchangiaji mkubwa wa yote haya? Hilo halipunguzi furaha yangu juu ya barua yako inayoonyesha kujali utu wetu kama wananchi wa nchi hii na sio kama wageni kutoka sayari nyingine.

Ningependa kumalizia kwa kukuhakishia kuwa, tunapoongea juu ya matatizo yetu nia sio kuwakosea heshima wakubwa zetu. Sisi hatuna makuu bali tunaomba kusikika, kuthaminiwa, kwani mtoto umleavyo ndivyo akuavyo. Barua yako imenipa tabasamu lililopangusa pangusa vumbi lililokuwa limejaa juu ya paji la moyo wangu. Naomba nisalimie waheshimiwa wengine , ukiweza wapatie barua yangu wasome. Waheshimiwa wakikuuliza kwanini sikuandika kwa Kiingereza, naomba uwajulishe kuwa mwalimu wa Kiingereza tuliyehaidiwa hakuwahi kuja kufika. Pia, sikutaka kuifanya hii barua iwe katika mandhari ya kibongoflava music, kwani najua waheshimiwa wanadhani ni mziki wa kihuni, bila kujua sanaa hiyo imepatia ajira vijana wengi na kutupa vijana sauti yetu inayo nyanyapaliwa kwa kawaida na jamii. Asante tena Mh. Mrisho na utaniwia radhi kwa kukuita waziri kwani baada ya kupata barua yako nilidhani wewe ndio waziri wa wizara yetu sisi walengwa. Asante sana na ninakutakia mema mbeleni, na ninakuomba usisahau kutukumbuka tena sisi vijana.

Wako kijana wa Tanzania,
anayejitahidi vilivyo kuendelea kuwa raia mwema.

More from SriBuo

SriBuo advertises a new album release from Ghana:

Artist: VIP (see profile on Museke here)
Album: Progress

Download free album samples:
VIP: "Away"
VIP feat. Dan Boadi: "Broni wewu"

Buy album:
- on iTunes
- on Amazon

Album art:
- SriBuo Media

For more info: www.SriBuo.com

Ukubwa wa Pua Ndio Wingi Wa Kamasi..??

Mkutano wa Kili Music Awards uliofanyika majuma kadhaa yaliyopita ulitoa nafasi nzuri kwa wasanii kutoa maoni na madukuduku yao juu ya tuzo hizo. Wasanii wa bongo flava walikuwa na mengi ya kuchangia, wengi walijaribu kuweka bayana mapungufu ya tuzo hizo, na kutoa ushauri wa nini kifanyike kuboresha tuzo hizo. Mimi binafsi nilichukua nafasi hiyo kuangalia upeo wa wasanii wa bongoflava, kwani ukitaka kujua mdogo wa mtu unanuka sharti usubiri azungumze. Mambo mengi yaliyojadiliwa lakini kuna baadhi yalinikaa akilini. Baadhi ya mambo hayo yalikuwa ni swala zima la Tanzania kuwa na tuzo chache za kutunza wasanii wetu, pili, utaratibu wa top ten za radio station nyingi kutokueleweka zinapatikanaje, tatu, swala la radio DJ kuwa mameneja wa wanamziki kwani kuna hatari ya hao ma-Dj’s kuleta upendeleo kwa wasanii wao n.k.

T.I.D alikuwa msanii miongoni mwa wengi waliotoa dukuduku lao na tuzo hizo za Kili Music Awards. Mwamziki huyo wa Top Band alionyesha wazi kutoridhishwa kwa kutopewa tuzo ukilinganisha na ukongwe wake katika mziki wa bongo flava na vibao vyake vingi vilivyowahi kushika chati, kwa mfano nyimbo yake ya zeze. Maneno ya T.I.D hayakuwa ya mzaha, kwani majuzi alitangaza na kusema "siwezi shiriki”, akiwa anamaanisha amejitoa kwenye kinyang’anyiro cha tuzo hizo za Kili. Mimi binafsi nilishtushwa na uwamuzi huo wa T.I.D kwani sikuelewa kama kuzigomea tuzo hizo ndio njia ya kuzisukuma kumpatia tuzo au alikuwa na nia gani hasa hasa na maamuzi hayo. Baada ya wiki kadhaa toka T.I.D alipotangaza kujitoa, msanii Dully Sykes na yeye alitangaza kujitoa kwenye tuzo hizo, na yeye akiwa na sababu zinazofanana na sababu za T.I.D.

T.I.D na Dully Sykes ni wasanii wawili wakongwe katika mziki wa bongo flava, hivyo kujitoa kwao kunaacha viulizo. Mimi nimeachwa nikijiuliza, inawezekana maamuzi yao yamekuwa ya kukurupuka zaidi au kweli kuna matatizo ya kimsingi katika tuzo hizo za Kili. Je kujitoa kwao kutasaidia kukuza mziki wa bongo flava au utayumbisha mtazamo juu ya mziki huu na wasanii wahusika katika sanaa hii.

Mtazamo wangu katika swala hili ni huu, kama akina T.I.D na Dully Sykes wana hoja dhabiti ya kujitoa kwakuwa kuna tatizo la kupendelewa kwa wasanii katika tuzo hizo, basi tutarudi kwenye hoja ile ya umoja miongoni mwa wasanii wa bongo flava kupigania haki zao. Kuna umuhimi wasanii kujiunga dhidi ya kunyonywa haki zao.

Ningependa kuwaacha wapendi wa bongo flava na swali, je maamuzi ya TID na Dully Sykes ni sahihi? na je ni mafundisho gani wanawaachia wasanii wanaochipukia?. Safari ni ndefu katika mziki huu wa bongo flava, na ninadhani kama kuna maonevu kwenye hizi tuzo, basi nafurahi kuona kuwa watu wanaweza kusimama na kuzisusia katika kutafuta haki zao, lakini kama ni kwasababu za kibinafsi kwakuwa fulani ni mwananziki mkubwa na mkongwe hivyo anastahili tuzo, mimi ninahili lakuwaambia, ukubwa wa pua siyo wingi wa kamasi.

Fresh from the SriBuo Ghanaian music vault

SriBuo advertises a new album release from Ghana:

Artist: Obrafour (see profile on Museke here)
Album: "T.O.F.A." Time Out For Adhesion

Download free album samples:
Obrafour feat. Adjoa: "Dee Dee Ko (There They Go)"
Obrafour feat. Blitz & Tiny: "Eebehyehyew"
Obrafour: "Oya Hene"

Buy album:
- on iTunes
- on Amazon

Album art:
- SriBuo Media

For more info: www.SriBuo.com